انگلينڊ پاڪستان خلاف سيريز لاءِ رانديگرن کي آءِ پي ايل مان واپس گهرائي ورتو

انگلينڊ ورلڊ ڪپ کان پهريان پاڪستان خلاف سيريز لاءِ پنهنجن اهم رانديگرن کي آءِ پي ايل مان واپس گهرائڻ جو فيصلو ڪري ورتو آهي ۽ رانديگر آءِ پي ايل ۾ پنهنجي ٽيمن کي ڇڏي وطن واپس روانا ٿيڻ شروع ٿي ويا آهن.
آءِ پي ايل کي اڌ ۾ ڇڏي رانديگرن جي وطن واپسي تي اڳوڻو ڀارتي ڪپتان سنيل گواسڪر انگلينڊ ڪرڪيٽ بورڊ تي ڪاوڙجي پيو ۽ رانديگرن خلاف سخت ڪارروائي ڪرڻ جو مطالبو ڪيو.
انگلينڊ جي ورلڊ ڪپ اسڪواڊ ۾ شامل رانديگر ول جيڪ، ريس ٽو بلي آءِ پي ايل ۾ دهلي ڪيپيٽلز خلاف مئچ کٽڻ بعد واپس روانا ٿي ويا آهن، ان کان علاوه جوز بٽلر ۽ فل سالٽ به روانگي جي تياري مڪمل ڪري ورتي آهي.
انگلينڊ جي رانديگرن معين علي، جوني بيريسٽو ۽ سيمن ڪيورن به هلندڙ هفتي ڀارت کان واپس روانا ٿي ويندا، انگلينڊ جي ورلڊ ڪپ اسڪواڊ ۾ شامل سمورا رانديگر پاڪستان خلاف پهرين ٽي ٽوئنٽي مئچ کان پهريان هلندڙ ليڊر ۾ جمع ٿيندا.
رانديگرن جي وطن واپسي تي ڀارتي اڳوڻي ڪپتان سنيل گواسڪر رانديگرن خلاف ڪارروائي ڪرڻ جو مطالبو ڪندي ڪاوڙ جو اظهار ڪيو آهي.

You might also like
Leave A Reply

Your email address will not be published.