اسلام آباد ( ويب ڊيسڪ ) وزيراعظم شهباز شريف چيو آهي ته پاڪستان جي ترقي ۽ خوشحالي لاءِ کنيل قدمن تي سعودي قيادت جا ٿورائتا آهيون.
وزيراعظم شهباز شريف جي صدارت هيٺ سعودي سيڙپڪاري ۽ منصوبن تي اڳڀرائي تي جائزو وٺڻ لاءِ اجلاس ٿيو جنهن ۾ وزيراعظم پنهنجي سعودي عرب جي تازي دوري بابت آگاهه ڪيو.
ان موقعي تي وزيراعظم شهباز شريف چيو ته پاڪستان جي ترقي ۽ خوشحالي لاءِ کنيل قدمن تي سعودي قيادت جا ٿورائتا آهيون، سعودي قيادت جي پاڪستان جي ترقي ۽ خوشحالي لاءِ مدد جي آڇ سٺو سنئوڻ آهي.
هن چيو ته پاڪستان خوش قسمت آهي جنهن کي سعودي جهڙو خيرخواهه دوست جو ساٿ حاصل آهي، سعودي فرمانروا ۽ ولي عهد پاڪستان ۾ سيڙپڪاري ۾ گهري دلچسپي رکن ٿا.
وزيراعظم چيو ته سعودي قيادت پاڪستان جي ترقي ۽ خوشحالي ۾ به دلچسپي رکي ٿي.
شهباز شريف چيو ته دوري جي بهترين تياري لاءِ لاڳاپيل وزيرن ۽ آفيسرن جو ڪوششون ساراهه جوڳيون آهن.
سعودي وفد جي ڪاروباري شخصيتن سان ملاقاتن بابت وزيراعظم شهباز شريف هدايتون جاري ڪندي چيو ته سعودي وفد جي بهترين مهمان نوازي ڪئي وڃي.
