اسلام آباد (ويب ڊيسڪ) تعليمي ايمرجنسي لاڳو ڪرڻ جي حوالي سان اهم خبر اچي وئي، وزيراعظم شهباز شريف سڀاڻي باضابطا طور اعلان ڪندو.
پاڪستان ۾ ايندڙ چئن سالن لاءِ تعليمي ايمرجنسي لاڳو ڪرڻ جو فيصلو ڪيو ويو آهي.
ان حوالي سان وفاقي تعليمي وزارت جي انتظام هيٺ تعليمي ايمرجنسي لاڳو ڪرڻ جي ڪانفرنس اسلام آباد ۾ ٿيندي، جنهن ۾ پاڪستان جي چئني صوبن جا وڏا وزير، تعليم وارا وزير شريڪ ٿيندا.
گلگت بلتستان ۽ آزاد ڪشمير ۾ به اها ايمرجنسي لڳائڻ جو فيصلو ڪيو ويو آهي، وزيراعظم ايمرجنسي لاڳو ڪرڻ جو سڀاڻي باضابطا طور اعلان ڪندو.
وفاقي تعليمي وزارت موجب تعليمي بجيٽ کي 0.5 سيڪڙو مان وڌائي ايندڙ 4 سالن ۾ 5 سيڪڙو ڪرڻ جو هدف آهي، ٻه ڪروڙ 60 لک کان وڌيڪ ٻار اسڪولن کان ٻاهر آهن، 4 سالن ۾ اهو انگ گهٽ ڪري 90 لک تائين آڻڻ جو هدف آهي.
