حيدرآباد ( ويب ڊيسڪ ) سپريم ڪورٽ سڄي ملڪ مان روڊن ۽ فٽ پاٿن تان حددخليون ختم ڪرڻ جو حڪم ڏئي ڇڏيو.
اعليٰ عدالت ڪراچي حددخليون ڪيس جو لکت ۾ حڪم نامو جاري ڪري ڇڏيو.
عدالت حڪم نامي جي ڪاپي اٽارني جنرل، سڀني ايڊووڪيٽ جنرلز ۽ سرڪاري ادارن کي موڪلڻ جو حڪم ڏئي ڇڏيو.
حڪم نامي ۾ چيو ويو آهي ته وفاقي ۽ صوبائي حڪومت ٽن ڏينهن ۾ روڊن ۽ فٽ پاٿن تان حددخليون ختم ڪري، لاڳاپيل ادارا قبضو ڪندڙن جي خرچ تي حددخليون ختم ڪن.
حڪم نامي ۾ ايڊيشنل اٽارني جنرل، ايڊووڪيٽ جنرل ۽ ڪي ايم سي جي وڪيل کي عملدرآمد رپورٽ پيش جي هدايت ڪئي وئي آهي.
سپريم ڪورٽ جو چوڻ هو ته بدقسمتي سان روڊن تي قبضا ۽ حددخليون آهن، قبضو ڪندڙ سمجهي ٿو ته سندس پنهنجي پراپرٽي سامهون قبضو ڪرڻ ان جو حق آهي.
حڪم نامي ۾ لکيو ويو آهي ته ماڻهو فٽ پاٿن تي جنريٽرز هڻي ڇڏيندا آهن، وفاقي ۽ صوبائي حڪومتن به حددخليون ڪيون آهن.
فيصلي ۾ لکيو ويو ته شهرين جي آزاداڻي چرپر روڪڻ جو اختيار ڪنهن وٽ ناهي، سرڪار جي خرچن لاءِ ٽيڪس ڏيندڙ عوام جا حق ڪير نٿو کسي سگهي….
