ڪراچي (ويب ڊيسڪ) وزيراعليٰ پنجاب مريم نواز جي پنجاب پوليس جي وردي ۾ تصويرن تي صدر زرداري جي نياڻي بختاور ڀٽو زرداري جو تبصرو وائرل ٿي ويو آهي.
گذريل ڏينهن مريم نواز لاهور ۾ پوليس ٽريننگ ڪاليج چوهنگ جي پاسنگ آئوٽ پريڊ ۾ شرڪت ڪئي هئي.
تنهن کانپوءِ سوشل ميڊيا تي جڏهن تصويرون وائرل ٿيون ته ڪو سندس حمايت ته ڪو مخالفت ڪري رهيو هو.
مريم نواز جي وڊيوز تي تبصرو ڪندڙن ۾ بختاور ڀٽو به شامل ٿي وئي.
هن مريم نواز جي تعريف ڪندي چيو ته شاندار، پوليس فورس ۾ عورتن جي برابر نمائندي واکاڻ جوڳو عمل آهي.