سن/مانجهند:سيد جي مزار تي مختلف کاتي پيتي جي شين سان گڏ ڪتابن جا اسٽال پڻ لڳايا ويا هئا جڏهن ته ورسي تان واپس ويندڙ ماڻهن کي رياسي ادارن ۽ پوليس مختلف هنڌ تي روڪي تذليل پڻ ڪئي پئي وئي،سن کان واپس ويندڙ قومي ڪارڪنن جي وين کي آمري قاضي احمد پل وٽ پوليس ۽ قانون لاڳو ڪندڙ ادارن روڪي عورتن مردن تي سخت تشدد ڪرڻ هڪ نوجوان کي کنڀي کڻي ويا جنهن کانپوءِ وين ۾ سوار ماڻهن توڙي قومي ڪارڪنن آمري قاضي احمد پل وٽ انڊس هاء روڊ تي رڪاوٽون وجهي روڊ ٻنهي طرفن کان بند ڪري ڇڏيو جنهن سبب ٽريفڪ معطل ٿي وئي، ۽ روڊ جي ٻنهي طرفن کان گاڏين جون قطارون لڳي ويو ن مسلسل 3 ڪلاڪ روڊ بند هجڻ مسافر پنهنجي منزل تي وقت سر پهچي نه سگهيا جنهن جي ڪري مسافرن کي سخت پريشانين کي منهن ڏئڻو پئجي ۔ ڪارڪنن توڙي عام ماڻهن جي مسلسل ڌرڻي بعد ايس ايس پي ڄامشورو طارق نواز ڌرڻي واري هنڌ پهچي مظاهرين سان ڳالهيون ڪيون ۽ کنڀي کڻي ويل قومي ڪارڪن کي آزاد ڪرڻ جي يقين ڏيارڻ ڌرڻو ختم ڪرايو