رحيم يار خان (م ڊ ) رحيم يار خان ۾ ڪچي جي ڌاڙيلن کي هٿيار پهچائيندڙ گروهه کي گرفتار ڪيو ويو. پوليس دعويٰ ڪندي ٻڌايو ته سنڌ ۽ پنجاب جي ڪچي ۾ ڌاڙيلن کي هٿيار پهچائيندڙ گروهه کي دائووالا ۾ ڪارروائي ڪري گرفتار ڪيو ويو، اسمگلرن جي ٻن گاڏين مان هٿيار هٿ ڪيا ويا آهن، جوابدار بنا خوف هٿيارن جي وڏي کيپ ڪچي جي ڌاڙيلن کي پهچائڻ وڃي رهيا هئا. پوليس موجب جوابدارن وٽان هٿ ڪيل هٿيارن ۾ 63 پسٽل، 22 رائيفلو ۽ 25 هزار گوليون شامل آهن.
