ڪراچي (ويب ڊيسڪ) اٽلي غير يورپي شھرين لاءِ ھڪ نئون ڊجيٽل نوماد Nomad ويزا پروگرام شروع ڪيو آھي، جيڪو گھران ويهي ڪم ڪندڙن کي ھڪ سال تائين اٽلي ۾ رھڻ جي اجازت ڏئي ٿو بعد ۾ اهو وڌائي به سگهجي ٿو.
هن پروگرام لاءِ درخواست ڏيندڙن جي گهٽ ۾ گهٽ 28,000 يورو جي سالياني آمدني هجڻ گهرجي ۽ لازمي طور تي 6 مهينا ڊجيٽل نوماڊ طور ڪم ڪرڻ جا ثبوت ۽ هيلٿ انشورنس جا تفصيل ڏيڻ گهرجن.
اهڙن ماڻهن کي اٽلي ۾ خاندان کي وٺي اچڻ جي اجازت به ڏني ويندي اهو فيصلو اٽلي جي حڪومت ڪندي.
اميدوار اٽلي جي سفارتخاني ۾ درخواستون جمع ڪرائي سگهن ٿا انهن جي منظوري کانپوءِ وٽن 8 ڏينهن هوندا ان ئي دوران کين اٽلي ۾ درخواست ڏيڻي هوندي.