ڪنڌڪوٽ (ويب ڊيسڪ) گهرو وزير ضياءُالحسن لنجار اڄ ڪنڌڪوٽ پهتو هو جتي ايس ايس پي آفيس ۾ هن ميڊيا سان ڳالهايو. کيس ڌاڙيلن وٽ جنگي هٿيار هجڻ تي حيراني ظاهر ڪندي ڏٺو ويو.
گهرو وزير جو چوڻ هو ته ڪراچي ۾ اسٽريٽ ڪرائمز خلاف نئين سر آپريشن ڪيو ويندو جڏهن ته ڪچي ۾ قبيلائي جهيڙا ختم ڪرائي ٺاهه ڪرايا ويندا.
هن ڌاڙيلن کي چتاءُ ڏنو ته اهي هٿيار ڦٽا ڪن، ڇو ته ڪشمور، شڪارپور ۽ گهوٽڪي ۾ آپريشن ڪيو ويندو.
سندس چوڻ هو ته ڌاڙيلن وٽ جديد هٿيار آهن، خبر ناهي اهي جنگي هٿيار وٽن ڪيئن اچن ٿا.
پريا ڪماري جي بازيابي ۽ شهيد جان محمد مهر جي قاتلن جي گرفتاري بابت هن چيو ته ان ۾ ڪجهه وقت لڳندو.
