راولپنڊي (ويب ڊيسڪ) آرمي چيف جنرل سيد عاصم منير ميرانشاهه ۽ اسپن وام ۾ فوجي جوانن سان عيد ملهائي.
آءِ ايس پي آر موجب آرمي چيف اڳين مورچن تي جوانن سان عيد جي نماز پڙهي ۽ جوانن سان پاڪستان جي جٽادار استحڪام ۽ خوشحالي لاءِ دعائون ڪيون.
آرمي چيف جوانن کي عيد جون مبارڪون ڏنيون ۽ قوم لاءِ سندن جذبي ۽ خدمتن جي ساراهه ڪئي.
آرمي چيف کي آپريشنل تياريون ۽ سيڪيورٽي جي صورتحال ۽ پاڪ افغان سرحد سان سرحدي حفاظتي اپائن تي بريفنگ ڏني وئي.
آرمي چيف قربانين مان حاصل ٿيل امن جي حفاظت لاءِ اجتماعي ڪوششن جي ضرورت تي زور ڏنو ۽ چيو ته وڏين قربانين سان حاصل امن کي برقرار رکڻ سڀني جي ذميواري آهي.
آءِ ايس پي آر موجب آرمي چيف امن لاءِ فارميشن جي ڪردار جي ساراهه ڪئي.