ڪراچي (ويب ڊيسڪ) وفاقي حڪومت طرفان عيد جي موقعي تي ٽرينن جي ڪراين ۾ 25 سيڪڙو رعايت جي اعلان کانپوءِ ڪراچي ۾ مسافرن جي پيهه لڳي وئي.
ڪينٽ اسٽيشن تي مسافرن جي رش لڳي وئي، گهڻا مسافر مايوس ۽ پريشان نظر آيا ڇو ته ٽڪيٽن جي ايڊوانس بڪنگ ناهي ٿي رهي.
ٽرين ٽڪيٽن جي ايدوانس بڪنگ نه ٿيڻ تي شهرين شڪايتون ڪيون ۽ کوڙ مسافر گهر موٽي ويا.
مسافرن جو چوڻ هو ته ڪرايا ته سستا ڪيا ويا پر ايڊوانس بڪنگ جو به نظام هجڻ گهرجي ها.
