اسلام آباد ( ويب ڊيسڪ ) وزيراعظم شهباز شريف عمري جي ادائگي لاءِ سڀاڻي سعودي عرب روانو ٿيندو.
ذريعن موجب، وزيراعظم شهباز شريف سعودي ولي عهد محمد بن سلمان سان ملاقات ڪندو، ان موقعي تي مختلف پراجيڪٽس بابت ڳالهه ٻولهه به ٿيندي.
ذريعن جو چوڻ آهي ته شهباز شريف جي سعودي دوري دوران مختلف ترقياتي پراجيڪٽس کي قطعي شڪل ڏني ويندي.
ذريعن موجب، ريڪوڊڪ تي سعودي عرب طرفان هڪ ارب ڊالر جي سيڙپڪاري جو امڪان آهي.
ذريعن جو چوڻ آهي ته وزيراعظم شهباز شريف، سعودي ولي عهد محمد بن سلمان کي پاڪستان جي دوري جي دعوت به ڏيندو.
