ايبٽ آباد ( ويب ڊيسڪ ) ڪاڪول ۾ پاڪستان ڪرڪيٽ ٽيم جي فٽنس ڪئمپ ۾ رانديگرن ۾ رساڪشي جو مقابلو ٿيو جنهن ۾ وڪيٽ ڪيپر بيٽر اعظم خان نگاهن جو مرڪز رهيو.
پاڪستان ڪرڪيٽ ٽيم جي فٽنس ڪئمپ ڪاڪول ۾ جاري آهي جتي رانديگرن ٻن سيشنز ۾ فٽنس بهتر بڻائڻ لاءِ ڊرلز ۾ حصو ورتو، ان دوران قومي ڪرڪيٽرن ۾ ٽگ آف وار ( رسا ڪشي ) جو مقابلو ٿيو.
ان مقابلي جي وڊيو شاداب خان سوشل ميڊيا تي شيئر ڪئي جيڪا وائرل ٿي وئي آهي.
View this post on Instagram
ان کانسواءِ ٻين اڪائونٽن تان به مقابلي جون دلچسپ وڊيو شيئر ڪيون ويون، اعظم خان ڪپتان بابر اعظم جي ٽيم ۾ شامل هو، جڏهن ته عثمان خان، عباس آفريدي، محمد نواز ۽ سلمان علي آغا ان جو ٽيم جو حصو هئا.
اعظم خان رسو کي پيٽ سان ٻڌو ۽ وڏو زور لڳايو، وڊيو جي ڪيپشن ۾ شاداب خان اعظم خان جي طاقت جي واکاڻ ڪندي لکيو ته ڪنگ آف اسٽرينٿ، تڏهن ته وڏا ڇڪا هڻندو آهي.
