سنڌ جي دل ۾ واقع هڪ شهر آهي جيڪو سرسبز باغن جي ڪري مشهور آهي. ميرپورخاص. هڪ عام رواجي شهر نه آهي، اهو انبن جي شوقينن ۽ ماهرن لاءِ هڪ جنت آهي. ان جي مٺي خوشبو اونهاري جي مند ۾ آسمان جي چوٽيءَ تي هوا ۾ رهندي آهي، جيڪا مقامي ماڻهن ۽ سياحن کي هڪجهڙائي سان سرشار ڪندي آهي.
ميرپورخاص هڪ شاهوڪار زرعي علائقو رکي ٿو، جنهن ۾ انبن جي پوک پنهنجي ثقافتي ڍانچي ۾ تمام گهڻي جڪڙيل آهي. شهر جي سازگار آبهوا، زرخيز مٽي، ۽ وافر مقدار ۾ پاڻي جا وسيلا انبن جي باغن جي ترقيءَ لاءِ ڀرپور ماحول پيدا ڪن ٿا. هارين جي نسلن انهن باغن کي اولاد جيان سنڀاليو آهي، پوکائي جي پراڻن طريقن ۽ نئين دور جي ٽيڪنالاجي ۽ علم انبن جي باغن جي پيداوار کي هٿي وٺرائي آهي، جنهن جي نتيجي ۾ انبن جون ڪيتريوئي بهترين قسمون پيدا ٿيون آهن، جن کان دنيا اڳ ڪڏهن واقف نه هئي.
ميرپورخاص جو تعارف ان جي مختلف قسم جي انبن جي ذڪر کان سواءِ نٿو ڪري سگهجي. ڏيهه توڙي پرڏيهه ۾ مشهور ٿيل سنڌڙي انب، پنهنجي مخصوص مٺاس ۽ خاص رنگت، جڏهن ته خوشبودار چوونسو، پنهنجي شاندار ذائقي ۽ مکڻ جهڙي بناوٽ لاءِ انعام يافته انب سڏجن ٿا، ميرپورخاص انبن جي لذت جي حوالي سان هڪ منظر پيش ڪري ٿو. ٻين قابل ذڪر جنسن ۾ انور رتول، لنگڙو، دسهڙي ۽ سرولي شامل آهن، هر هڪ جنس پنهنجي منفرد ذائقي جي ڪري انبن جي شوقينن جي لاءِڪنهن نعمت کان گهٽ نه آهي.
اونهاري جي شروعات ۾ انبن جا وڻ ٻور جهليندا آهن. جيئن جيئن گرمي پد وڌي ٿو تيئن باغ هر قسم جي گلن سان ڀريل نظر اچن ٿا، هاري فصلن جي تياري ڪن ٿا، اپريل کان سيپٽمبر تائين خوشيءَ ۽ خوشحاليءَ جو وقت هوندو آهي، اهي انبن جا باغ خطي جي ڪيترن ئي ماڻهن لاءِ معاشي طور تي زندگي جي حيثيت رکن ٿا،انب جي صنعت هارين ۽ مزدورن کان وٺي ملڪي ۽ غيرملڪي واپارين سميت هزارين ماڻهن لاءِ روزگار جا موقعا فراهم ڪري ٿي. انبن جي موسم دوران علاقائي مزدورن جي معيشت ۽ ڪاروبار کي سهارو ملي ٿو. ميرپورخاص جاانب نه رڳو علاقائي منڊينلاءِ قيمتي آهن؛ پر اهي پرڏيهه جي (منڊين)مارڪيٽن لاءِ پڻ خاص اهميت رکن ٿا. هتي جي آب هوا اعليٰ قسم ۽ معياري انبن جي پيداوار لاءِ فائديمند ثابت ٿئي ٿي ۽ پاڪستان جي پرڏيهه واري صنعت ۾ اهم ڪردار ادا ڪري ٿي.ڇاڪاڻ ته مڊل ايسٽ، يورپ ۽ اتر آمريڪا سميت سڄي دنيا جي ملڪن مان ميرپورخاص جي انبن جي گهرج ڏينهون ڏينهن وڏي رهي آهي، ميرپورخاص جا انب پاڪستاني زراعت جا سفير بڻجي ويا آهن، جيڪي عالمي سطح تي قوم جي کاڌن جي صلاحيتن کي ظاهر ڪري رهيا آهن.
جيئن جيئن ميرپورخاص ترقي ڪري رهيو آهي، تيئن تيئن ان جي انبن جي ورثي کي ايندڙ نسلن لاءِ محفوظ ۽ واڌ ويجهه ڏيڻ لاءِ ڪوششون جاري آهن. شروعاتي قدمن جو مقصد زراعت جي طريقن کي جديد بڻائڻ، انفراسٽرڪچر کي بهتر ڪرڻ، ۽ ننڍي پيماني تي آبادگارن کي مدد ڏيڻ شامل آهن،انب جي واپار جي ساک کي پيش ايندڙ مشڪلاتن جهڙوڪ: موسمياتي تبديلي ۽ پاڻي جي کوٽ کي منهن ڏيڻ. ان کان سواءِ، ميون جي فصل کي ملهائڻ وارا ته وار ۽ تقريبون ميرپورخاص جي سڃاڻپ هن محبوب ميوي جي ثقافتي اهميت کي اجاگر ڪرڻ جو ڪم ڪن ٿيون.
