ڪراچي (ويب ڊيسڪ) سنڌ جي 100 سرڪاري ڪاليجن جي نوجوانن کي هر سال اسڪالر شپ ڏني ويندي، سنڌ حڪومت ۽ علما يونيورسٽي وچ ۾ ايم او يو تي صحيحون ٿي ويون، اسڪالرشپ علما يونيورسٽي طرفان ڏني ويندي.
سنڌ جي تعليم واري وزير سيد سردار شاهه ۽ علما يونيورسٽي جي وائس چانسلر پروفيسر ڊاڪٽر مسرور ظفر ۾ ملاقات ٿي، ملاقات ۾ سنڌ جي نوجوانن کي معياري اعليٰ تعليم ڏيڻ جي حوالي سان خيالن جي ڏي وٺ ٿي.
ملاقات ۾ سنڌ حڪومت ۽ علما يونيورسٽي وچ ۾ ايم او يو تي صحيحون ڪيون ويون، جنهن موجب اسڪالرشپ ۾ 100 سيڪڙو خرچ شامل هوندا، شاگردن کي ٽيوشن فيس سان گڏ رهائش، کاڌي پيتي جي سهولت به ڏني ويندي.
يادداشت تي صحيحن جي تقريب ڪاليج ايجوڪيشن کاتي ۾ ٿي، ان موقعي تي سردار شاهه چيو ته اعليٰ تعليم جي ترقي ۾ نجي ادارن جي سهڪار سان بهتر نتيجا ملندا، ڪاليج ايجوڪيشن کاتي طرفان هر ممڪن سهڪار جاري رکيو ويندو.
You might also like