فيصل آباد ( ويب ڊيسڪ) مسلم ليگ ن جي اڳواڻ طلال چوڌري چيو آهي ته ملڪ ۾ پابندي پيل تنظيم ٽي ٽي پي ۽ پرڏيهه مان پي ٽي آءِ حملي آور آهي.
فيصل آباد ۾ پريس ڪانفرنس ڪندي سندس چوڻ هو ته دشمن جي هر سازش جو منهن ٽوڙ جواب ڏيڻ ڄاڻيون ٿا، پي ٽي آءِ سوشل ميڊيا تي شهيدن جي قربانين جو مذاق اڏايو، هاڻي قوم کي غدار ۽ محب وطن ۾ فرق ڪرڻو پوندو.
هن چيو ته هي اسان جي شهيدن جو مذاق اڏائين ٿا، اهي لفظ استعمال ڪيا ويا جيڪي دشمن به نه ڪيا، جيڪڏهن ميان والي بيس تي حملو پي ٽي آءِ وارا ڪن ته اهي انقلابي آهن ڇو ته کين جينس پهريل آهي پر ڏاڙهي وارا ڪن ها ته اهي دهشتگرد هجن ها.
