جڳ مشهور آمريڪي سائنسدان پروفيسر هنري اسلام قبولي ورتو.
آمريڪي سائسندان پروفيسر هنري جو نالو ڊاڪٽر احمد حسن بطل، عبدالحق رکيو آهي، ڇو ته حق ۽ علم ان لاءِ رب تائين پهچڻ جو ذريعو بڻيا.
رپورٽ موجب هن رمضان المبارڪ جو پهريون روزو به رکي ڇڏيو، تراويح نماز به ادا ڪئي ۽ جلد عمري جي ادائيگي لاءِ روانو ٿيندو.
ڊاڪٽر هنري اسٽيم سيل ميڊيسن ۾ دنيا جو سڀ کان وڏو نالو آهي ۽ هن ناليوارن سائنسدانن ۾ شمار ڪيو ويندو آهي، پروفيسر ڊاڪٽر هنري مشهور آمريڪي يونيورسٽي هارورڊ ۾ پروفيسر آهي.
هو موروثي نابين پڻي جي علاج لاءِ اسٽيم سيل دوا ايجاد ڪندڙ آهي، جنهن کي تازو آمريڪي فوڊ اينڊ ڊرگ ايڊمنسٽريشن مان ٽئين ۽ آخري مرحلي ۾ جاچ لاءِ منظور ڪيو ويو آهي.
