ڪراچي (ويب ڊيسڪ) ڀارت جي مقبول اداڪارا روينا ٽنڊن جو چوڻ آهي ته هر ڪو ڏکئي وقت مان گذرندو آهي ۽ منهنجو پيءُ به ڏکيائيون ڏسندو هو، اهو وقت به هو جڏهن مون کي بس ۾ سفر ڪرڻو پوندو هو ۽ کيسي ۾ رڳو هڪ رپيو هوندو آهي. مان به ڏکيو وقت ڏٺو آهي ڇو ته هر ڪنهن جي زندگي سولي ناهي هوندي.
روينا ٽنڊن مقبول اداڪارا ۽ هدايتڪارا آهي، سندس چوڻ آهي ته هن جي زندگي سولي نه هئي، شوبز ۾ جاءِ ٺاهڻ لاءِ هن سخت محنت ڪئي.
هڪ انٽرويو ۾ هن چيو ته مان ممبئي جي ڪچي آبادي جي ماڻهن جي خراب زندگي جي حالت ڏسي متاثر ٿيس، مون کي پنهنجي مهانگي تاڏي ۾ اهو احساس ٿيو ته ماڻهن وٽ جيڪو ڪجهه آهي ان جو شڪر گذار هجڻ گهرجي.
