ملتان ( ويب ڊيسڪ ) پنجاب جي شهر ملتان ۾ ٽه ماڙ عمارت ڪرڻ سبب عورتن ۽ ٻارڙن سميت 9 ڄڻا فوت ۽ ڪيترائي زخمي ٿي پيا.
سبيل چوڪ واري علائقي ۾ گيس سلينڊر جي ڌماڪي سبب ٽه ماڙ عمارت ڪري پئي.
حادثي ۾ هڪ ئي ڪٽنب جي ستن ڀاتين سميت 9 ڄڻا فوت ٿي ويا ۽ ڪيترائي زخمي ٿي پيا.
اطلاع تي پوليس ۽ ريسڪيو ٽيمن پهچي فوت ٿيلن جا لاش ۽ زخمين کي کڻائي اسپتال منتقل ڪيو، جتي ٻن زخمي جي حالت ڳڻتي جوڳي ٻڌائي پئي وڃي.
ريسڪيو عملدارن جو چوڻ آهي ته گهر اندر گيس سلينڊر ڌماڪي سبب عمارت جو هڪ حصو ڪري پيو، ملبي هيٺان دٻيل لاش ۽ زخمين کي اسپتال منتقل ڪيو ويو آهي.
