ڪراچي (ويب ڊيسڪ) پشاور زلمي جي ڪوچ ڊيرن سيمي چيو آهي ته پاڪستان ٽيم جي ڪوچنگ بابت في الحال ڪجهه نه چوندس.
ڪراچي ۾ پريس ڪانفرنس ڪندي ڊيرن سيمي چيو ته منهنجو ڌيان هن وقت پشاور زلمي جي ڪاميابي ۽ ان جي ڪوچنگ تي آهي، پاڪستان ٽيم جي ڪوچنگ بابت في الحال ڪجهه نه چوندس، رڳو پشاور زلمي کي ٽائيٽل کٽرائڻ چاهيان ٿو.
هن چيو ته پشاور زلمي چار ڀيرا فائنل کيڏيو ۽ هڪ ۾ ڪاميابي حاصل ڪئي، ٽيم نائون ڀيرو پلي آف ۾ پهتي آهي، بابر اعظم سبب ٽيم ۾ تجربو آيو آهي.
سندس چوڻ هو ته بابر اعظم هڪ سپر اسٽار آهي، هو سدائين سکڻ جي ڪوشش ڪندو آهي، اسان کي انتظار آهي ته پشاور ۾ ميچون ٿين.
