اسلام آباد (ويب ڊيسڪ) وزيراعظم شهباز شريف ڀٽو صدارتي ريفرنس تي سپريم ڪورٽ جي راءِ تي آصف زرداري ۽ بلاول ڀٽو سميت پ پ قيادت کي مبارڪون ڏنيون آهن.
پنهنجي بيان ۾ وزيراعظم شهباز شريف چيو ته تاريخي غلطي جو ازالو ممڪن ناهي، سنگين غلطي جي اعتراف سان هڪ نئين تاريخ ۽ هڪ نئين روايت قائم ٿي آهي.
هن چيو ته عدالت کان ٿيندڙ زيادتي کي عدالت جو درست ڪرڻ هاڪاري اڳڀرائي آهي، ڀٽو ريفرنس ۾ سپريم ڪورٽ جي راءِ تاريخ کي درست نظر ۾ سمجهڻ ۾ مددگار هوندي، ماضي جي غلطين جي درستگي، اختلافن جي خاتمي سان قومي اتحاد ۽ ترقي جو عمل تيز ٿي سگهي ٿو.
