ڪراچي ( ويب ڊيسڪ ) پاڪستان ڪرڪيٽ ٽيم جي اڳوڻي ڊائريڪٽر محمد حفيظ شاهين جي جاءِ تي نسيم شاهه کي شروعاتي اوورن ۾ وڌيڪ اثرائتو قرار ڏئي ڇڏيو.
خانگي ٽي وي چئنل سان ڳالهائيندي محمد حفيظ چيو ته ان ڳالهه ۾ ڪو شڪ ناهي ته شاهين آفريدي شاندار بالر آهي، هو سموري دنيا ۾ شروعاتي اوورن سبب ڄاتو ويندو آهي پر مان سمجهان ٿو ته نسيم شاهه ابتدائي اوورن ۾ وڌيڪ خطرناڪ بالر آهي.
سندس چوڻ هوته نسيم شاهه جي سوئنگ ۽ لينٿ کان بيٽر ڊنل هوندا آهن، فاسٽ بالر بيٽرن کي غلطي تي مجبور ڪندو آهي، هن ۾ وڪيٽ وٺڻ جي صلاحيت آهي.
ان موقعي تي وسيم اڪرم ٻڌايو ته نسيم شاهه، پشاور زلمي خلاف به گُڊ لينٿ تي بالنگ ڪئي جنهنڪري کيس وڪيٽون مليون.
