مائڪرو سافٽ جي شريڪ باني بل گيٽس ڪافي عرصي کان آرٽيفيشل انٽيليجنس (اي آءِ) کي اهم قرار ڏئي رهيو آهي، هاڻ هن اڳڪٿيڪئي آهي ته اها ٽيڪنالاجي صحت ۽ تعليم جي شعبن ۾ انقلابي تبديليون آڻڻ ۾ مدد فراهم ڪندي.
ڀارت جي دوري تي موجود بل گيٽس هڪ انٽرويو ۾ چيو ته مستقبل ۾ اي آءِ ٽيڪنالاجي ۾ وڏي اڳڀرائي ٿيندي جنهن سان اسان کي اهم شعبن ۾ اڳتي وڌڻ ۾ مدد ملندي، اها ٽيڪنالاجي بهتر دوائن جي تياري ۾ مددگار ثابت ٿيندي ۽ اسان يقينن ان کي تعليمي شعبي ۾ به استعمال ڪري سگھنداسين.
هن چيو ته ان ٽيڪنالاجي سان بهترين تجربا ڪيا پيا وڃن ۽ شاگردن جي معاونت جي حوالي سان ڪافي سٺي اڳڀرائي ٿي آهي.
بل گيٽس چيو ته اڃا اهو واضح نه آهي ته اي آءِ ٽيڪنالاجي ڪيتري تيزي سان اڳتي وڌي پئي ۽ اسان ان کي ڪيتري حد تائين هاڪاري ڪمن لاءِ استعمال ڪري سگھون ٿا.
