ڪراچي ( ويب ڊيسڪ ) پاڪستان ۾ اليڪشن 2024ع کانپوءِ نتيجا اچڻ جو سلسلو جاري آهي جنهن ۾ ڪيئي مضبوط اميدوارن کي ناڪامي جو منهن ڏسڻو پيو آهي ۽ انهن ۾ ڪجهه پنهنجي شڪست قبول ڪري ورتي آهي.
لاهور جي تڪ اين اي 122 ۾ وڏو اپ سيٽ ٿي ويو، جتي ن ليگ جي خواجا سعد رفيق کي شڪست ٿي آهي.
سردار لطیف کھوسہ صاحب کو دلی مبارکباد
عوامی فیصلے پر خوش دلی سے
سر ِ تسلیم خماللّٰہ کریم آنیوالی پارلیمان کو متحد ھو کر قومی بحرانوں پر قابو پانے کی توفیق و تقویت عطا فرماۓ
آمین— Khawaja Saad Rafique (@KhSaad_Rafique) February 9, 2024
اليڪشن ڪميشن طرفان جاري ڪيل عبوري نتيجي موجب، پي ٽي آءِ جو حمايت يافته اميدوار سردار لطيف کوسا هڪ لک 17 هزار 109 ووٽ کڻي ڪامياب ٿي ويو، جڏهن ته خواجا سعد رفيق 77 هزار 709 ووٽ کنيا.
ان حوالي سان ايڪس تي جاري ڪيل بيان ۾ خواجا سعد رفيق، سردار لطيف کوسا کي مبارڪباد پيش ڪئي آهي.
اڳوڻي سينيٽر مصطفيٰ نواز کوکر به سوشل ميڊيا تي بيان ۾ اسلام آباد جي تڪ اين اي 47 ۽ اين اي 48 تي شڪست تسليم ڪئي.
مجھے یہ کہنے میں کوئی عار نہیں کہ میں اپنی شکست کو کھلے دل سے تسلیم کرتا ہوں ۔ یہ دیکھ کر افسوس ہوا کہ پی ٹی آئی کے امیدوار علی بخاری کو حلقہ ۴۸ اسلام آباد کی سیٹ ہرا دی گئی ہے جبکہ وہ واضح جیتے ہوئے تھے۔ جن موصوف کو نتیجہ بدل کر جتایا گیا ہے وہ دوڑ میں کہیں بھی نہ تھے۔ اسی طرح…
— Mustafa Nawaz Khokhar (@mustafa_nawazk) February 9, 2024
اڳوڻي سينيٽر پنهنجي شڪست کي دل سان قبول ڪندي چيو ته اِهو ڏسي افسوس ٿئي ٿو ته پي ٽي آءِ اميدوار علي بخاري اسلام آباد جي تڪ اين اي 48 تي هارايو ويو آهي جڏهن ته هو واضح طور تي کٽي رهيو هو، اهڙي طرح شعيب شاهين به اين اي 47 تي واضح اڪثريت سان کٽي چڪو آهي پر نتيجا سندس حوالي نه پيا ڪيا وڃن،اِهو عمل بدترين ڌانڌلي ۽ باهه سان کيڏڻ برابر آهي.
سرگوڌا مان قومي اسيمبلي جي تڪ اين اي 83 تي ٻين ڪيئي اميدوارن سان گڏ نون ليگ جي محسن نواز رانجها به ميدان ۾ هو پر سندس مقابلي ۾ آزاد اميدوار اساما احمد ميله ميدان ماري ورتو.
محسن نواز رانجها شڪست قبوليندي چيو ته اساما احمد ميله کي قومي اسيمبلي جو ميمبر چونڊجڻ تي دلي مبارڪباد آهي.
اسامہ احمد میلہ صاحب کو رکن قومی اسمبلی منتخب ہونے پر دلی مبارکباد۔
عوامی فیصلے کو خوش دلی سے تسلیم کرتے ہیں اور دعا ہے کہ منتخب ہونے والی پارلیمان ملک و قوم کو درپیش چیلنجوں سے نکال کر ترقی کی راہ پر گامزن کرے
آمین@UsamaMela— Mohsin Ranjha (@MNAMohsinRanjha) February 9, 2024
عوامي نيشنل پارٽي جي سينيئر نائب صدر امير حيدر خان هوتي مردان ۾ شڪست تسليم ڪندي پارٽي جي عهدي تان استعيفيٰ ڏيڻ جو اعلان ڪيو آهي.
میرے آبائی ضلع مردان کے تمام حلقوں پر اے این پی کی شکست کی ذمہ داری کھلے دل سے تسلیم کرتا ہوں۔ میرے حلقہ اور مردان کے عوام نے اگر ہم پر اعتماد نہیں کیا تو اور اسی شکست کی ذمہ داری قبول کرتے ہوئے پارٹی کے مرکزی سینئر نائب صدر کے عہدے سے مستعفی ہونے کا اعلان کرتا ہوں اور پارٹی کے…
— Ameer Haider Khan Hoti (@HaiderHotiANP) February 9, 2024
ڪي پي ڪي ۾ بونير مان صوبائي اسيمبلي جي سيٽ پي ڪي 25 تي پ پ اميدوار سويرا پرڪاش به ميدان ۾ لٿل هئي پر کيس ڪاميابي نه ملي سگهي.
صوبائي اسيمبلي جي تڪ تان آزاد اميدوار رياص خان 28 هزار کان وڌيڪ ووٽ کڻي ڪامياب ٿيو جڏهن ته سويرا پرڪاش رڳو ساڍا سترنهن سئو ووٽ حاصل ڪيا.
سويرا پرڪاش سوشل ميڊيا تي تڪ جا نتيجا شيئر ڪندي عوام پاران حمايت ڪرڻ تي ٿورا مڃيا.
Thank you for your love and support! pic.twitter.com/Xpb58Bxu1K
— Dr Saveera Parkash – Daughter of Buner (@saveera_parkash) February 9, 2024
سويرا پرڪاش بونير مان صوبائي اسيمبلي جي سيٽ تي چونڊن ۾ حصو وٺندڙ پهرين هندو عورت آهي.
استحڪام پاڪستان پارٽي جي سربراهه جهانگير ترين کي ملتان ۾ قومي اسيمبليءَ جي تڪ اين اي 149 ۾ تحريڪ انصاف جي حمايت يافته اميدوار عامر ڊوگر شڪست ڏني.
عامر ڊوگر جي 78 هزار ووٽن جي مقابلي ۾ جهانگير ترين 27 هزار ووٽ حاصل ڪري سگهيو.
Our opponent in NA-149 Multan, Amir Dogar from PTI ran a great campaign. His campaign was very well organised and effective. A deserved victory. 👏🏼
— Ali Khan Tareen (@aliktareen) February 9, 2024
جهانگير ترين جي پٽ علي خان ترين سوشل ميڊيا تي هڪ بيان ۾ چيو آهي ته سندن مخالف پي ٽي آءِ حمايت يافته اميدوار عامر ڊوگر اين اي 149 ۾ بهترين چونڊ مهم هلائي، سندس مهم ڏاڍي منتظم ۽ اثرائتي هئي، هو ڪاميابي جو حقدار هو.
خيبرپختونخوا جي تڪ پي ڪي 83 تان چونڊ هارائيندڙ اميدوار ثمر هارون بلور گلدستو کڻي ڪامياب اميدوار مينا خان آفريدي جي رهائشگاهه پهچي وئي.
Went with Danyal to wish @MeenakhanAfridi on his victory and had a pleasant interaction with his workers #pk83 pic.twitter.com/rxgoo6p8pn
— Samar Haroon Bilour (@SamarHBilour) February 9, 2024
واضح رهي ته قومي اسيمبلي جي ڪيئي سيٽن جي نتيجن جو اعلان ٿيڻو آهي، ڪيترائي اهڙا اڳواڻ به آهن جن کي چونڊن ۾ شڪست ٿي چڪي آهي ۽ هو مختلف الزام مڙهي رهيا آهن جڏهن ته ڪجهه اميدوارن عدالت وڃڻ جو اعلان ڪري چڪا آهن.
