چيف اليڪشن ڪمشنر سڪندر راجا سلطان چيو آهي ته اليڪشن ڪميشن جو پنهنجو نظام آهي، جڏهن محسوس ٿيندو ته سيڪيورٽي جو مسئلو نه آهي ته انٽرنيٽ کي کوليو ويندو.
پنهنجي هڪ بيان ۾ هن چيو ته انٽرنيٽ سان اليڪشن ڪميشن جو ڪو به واسطو نه آهي، اليڪشن ڪميشن انٽرنيٽ بندش جي ذميوار نه آهي.
چيف اليڪشن ڪمشنر چيو ته اسان جو پنهنجو سسٽم ڪم ڪري پيو، اسان حڪومت سان رابطي ۾ آهيون، ڇا ووٽرز کي اڄ ئي 8300 تي ووٽ چيڪ ڪرڻو هو.
هن چيو ته اليڪشن اسڪيم جاري ٿيڻ بعد ووٽرز کي پنهنجو ووٽ چيڪ ڪرڻ گھرجي ها، اليڪشن ڪميشن مضبوط آهي، انٽرنيٽ جو معاملو اسان جو مينڊيٽ نه آهي.
سندس چوڻ هو ته ڪٿي سيڪيورٽي جو مسئلو آهي ته اليڪشن ڪميشن ڇو هدايت ڏئي ته انٽرنيٽ بحال ڪريو، نتيجن جي اعلان جو بهترين نظام موجود آهي. نتيجا 8 وڳي به اچي سگھن ٿا ۽ 9 وڳي به.
هن چيو ته اي ايم ايس سسٽم ۾ صوبائي تڪن لاءِ 3 ۽ قومي لاءِ 4 ورڪ اسٽيشن آهن.
