شاهد آفريدي سنڌ پريميئر ليگ ۾ بالرن جا لاهه ڪڍي ڇڏيا

ڪراچي ( ويب ڊيسڪ ) پاڪستان ڪرڪيٽ ٽيم جي اڳوڻي ڪپتان ۽ شاهد آفريدي جي سنڌ پريميئر ليگ ۾ جارحاڻي بيٽنگ جا چرچا ٿيڻ لڳا آهن.
ايس پي ايل جي پهرين ايڊيشن ۾ بينظير لال جي نمائندگي ڪندڙ قومي ٽيم جي اڳوڻي آل رائونڊر شاهد آفريدي 32 بالن تي چئن ڇڪن ۽ چئن ڇوڪن جي مدد سان 50 رنسن جي اننگز کيڏي.
اڳوڻي ڪرڪيٽر جي فٽنس جو معيار ڏسي سوشل ميڊيا واهپيدار دلچسپ قسم جا تبصرا ڪري رهيا آهن.


هڪ واهپيدار لکيو ته اٺ سال اڳ عالمي ڪرڪيٽ تان رٽائر ٿيندڙ 46 سالا شاهد آفريدي هاڻ به پاڪستان جي بهترين پاور هٽرز منجهان هڪ آهي.
هڪ ٻئي صارف لکيو ته شاهد آفريدي جي بيٽگ ڏسي کيس 1999 ڀارت خلاف چنائي ٽيسٽ ۾ کيڏيل سندس اننگز ياد اچي وئي آهي جتي هن ڀارتي بالرن جا لاهه ڪڍي ڇڏيا هئا.

You might also like
Leave A Reply

Your email address will not be published.