ڪراچي (ويب ڊيسڪ) مشهور راڳي راحت فتح علي خان بابت چيو پيو وڃي اڄ ڪلهه هو ڏاڍو شراب پي رهيو آهي ۽ هن شراب جي هڪ بوتل گم ٿيڻ تي پنهنجي ملازم کي ڪٽي ڪٽي مرڻينگ ڪري ڇڏيو.
اهڙي وڊيو سوشل ميڊيا تي سامهون آئي آهي جنهن بابت ذريعن جو چوڻ آهي ته راحت فتح علي خان پنهنجي ملازمن تي تشدد ڪرڻ لڳو آهي ۽ جڏهن هو شراب پي رهيو هو ته هڪ بوتل گم ٿيڻ تي هن ملازم کان سخت پڇاڻو ڪيو ۽ ڪٽڻ شروع ڪري ڇڏيائين.
موقعي تي موجود ٻيا ملازم کيس ڇڏائڻ جي ڪوشش ڪندا رهيا پر راحت فتح علي خان جي ڪاوڙ هئي جيڪا ٿڌي نه ٿي ۽ ملازم کي ڪٽيندو رهيو.
ہر انسان کے دو چہرے ہوتے ہیں ایک دنیا کو دکھانے کے لئے اور ایک اصل چہرہ
راحت فتح علی خان ایک گلوکار جو محبت کا سفیر ہوتا ہے وہ ایسا تشدد کیسے کر سکتا ۔۔۔ pic.twitter.com/Rxr9UUPO1Y— Khurram (@Khurram_zakir) January 27, 2024
اهڙي وڊيو وائرل ٿيڻ کانپوءِ سوشل ميڊيا واهپيدار راحت فتح علي خان جو اهو روپ ڏسي حيران ٿي ويا آهن ته ڇا مٺڙو نظر ايندڙ ماڻهن جا اهي روپ به ٿي سگهن ٿا؟
هن وقت اها وڊيو ۽ معاملو بحث جو موضوع بڻيل آهي.
