آملا جو استعمال صدين کان ٿيندو پيو اچي پر ڇا اوهان کي خبر آهي ته آملا اڻ ڳڻين فائدن جو خزانو به آهي.
قدرت ان سائي رنگ جي آملا ۾ وٽامن سي ۽ اينٽي آڪسيڊنٽ جي ڀرمار لڪائي رکي آهي جنهن جي استعمال سال ڪيترائي فائدا حاصل ڪري سگھجن ٿا.
انٽرنيشنل جرنل آف فارماسيوٽيڪل ۾ ڇپيل هڪ تحقيق موجب آملا انساني جسم مان سوڄ ختم ڪرڻ سان گڏوگڏ اينٽي بيڪٽيريل خاصيتون رکندڙ آهي جيڪو موسمي نزلي، زڪام ۽ انفيڪشن سان وڙهڻ ۾ به مدد ڪندو آهي.
ان کانسواءِ آملا کَلَ ۽ وارن لاءِ به بهترين خوراڪ آهي اهو جسم ۾ پاڻي جي کوٽ به پوري ڪندو آهي.
جيڪڏهن اوهان آملا جا وڌيڪ فائدا حاصل ڪرڻ چاهيو ٿا ته ان کي نيراني استعمال ڪريو جنهن لاءِ آملا جو جوس به فائديمند آهي.
آملا جو جوس ڪيئن تيار ڪجي
5 کان 6 آملا کڻي انهن جا ٻج ڪڍي ڇڏيو ۽ پوءِ بلينڊر ۾ ان کي پاڻيءَ سان گڏ وجهي بلينڊ ڪري وٺو.
ان کانسواءِ ذائقيلاءِ اوهان ان ۾ ٿورو ادرڪ ۽ ماکي به گڏائي سگھو ٿا.
آملا جو جوس نيراني ڇو پيئڻ گھرجي؟
اڄ اسان اوهان کي آملا جي جوس جا ڪجهه اهڙا فائدا ٻڌائي رهيا آهيون جيڪي ڄاڻي اوهان ان جو استعمال ڪرڻ جو پڪو ارادو ڪري ڇڏيندا.
وٽامن سي ۽ اينٽي آڪسيڊنٽ جو خزانو
آملا ۾ وٽامن سي ۽ اينٽي آڪسيڊنٽ خاصيتون هجن ٿيون جيڪي اوهان جي قوت مدافتع کي مضبوط بڻائي بيمارين سان وڙهڻ ۾ مدد فراهم ڪن ٿيون.
ان کانسواءِ آملا سوڄ ختم سان گڏ سنڌن جو سور به ختم ڪندو اهي.
هاضمي جو نظام مضبوط بڻائي
آملا جو جوس معدي کي صحتمند بڻائندو آهي ۽ کاڌو جلد هضم ڪرڻ ۾ مدد فراهم ڪندو آهي، ان سان هاضمي جا مسئلا جهڙوڪ بدهاضمو، تيزابيت ۽ قبض ختم ڪرڻ ۾ به مدد ملي ٿي.
شگر ليول برقرار رکڻ ۽ دل کي صحتمند بڻائڻ
شگر جي مريضن لاءِ آملا جو جوس بهترين آهي ڇو جو اهو رت ۾ شگر ليول کي برقرار رکي ٿو.
ان کانسواءِ جسم مان ڪولسٽرول گھٽائي دل کي صحتمند به بڻائي ٿو ۽ دل جي بيمارين جي خطري کي به ختم ڪري ٿو.
جسم کي ڊيٽاڪسفاءِ ڪريو
گھڻو ڪري اوهان ڏٺو هوندو ته سوشل ميڊيا تي وزن گھٽائڻ ۽ جسم مان خراب سيلز کي ڪڍڻ لاءِ ڊيٽاڪسفاءِ واٽر جي استعمال جو چيو ويندو آهي.
ڪجهه ماڻهو کيرا ته ڪجهه ليمن ۽ ڦودني جو ڊيٽاڪسفاءِ پاڻي تيار ڪندا آهن پر اوهان اهو ڪم آملا جو جوس بڻائي به ڪري سگھو ٿا ڇو جو آملا جو جوس صبح جو نيراني پيئڻ سان جسم مان خراب سيلز ختم ڪرڻ ۾ مدد ملي ٿي.
کَلَ ۽ وارن لاءِ فائديمند
نيراني آملا جو جوس اوهان جي کَلَ کي جوان بڻائي ٿو ان کانسواءِ آملا جو جوس پيئڻ سان وارن جي واڌ ويجهه ۾ اضافو ٿيندو، آملا جو جوس وارن ڇڻڻ کان بچائيندو ۽ وارن ۾ چمڪ آڻيندو.
ان کانسواءِ آملا جو جوس اکين جي روشني کي به تيز ڪري ٿو ۽ هر قسم جي ٿَڪَ کي ختم ڪري مزاح مان چِڙ کي به ختم ڪرڻ لاءِ بهترين آهي.
