ڪراچي (ويب ڊيسڪ) ملڪ ۾ بصرن جي في ڪلو قيمت 320 روپين تائين پهچي وئي آهي.
ڳڻپ واري کاتي موجب اسلام آباد ۾ بصر 320. راولپنڊي ۾ 310 ۽ سيالڪوٽ ۾ 270 روپيا في ڪلو جي حساب سان وڪرو ٿين پيا جڏهن ته پشاور ۾ بصر 280 روپيا ۽ خضدار ۾ 250 رپيا في ڪلو تائين پهچي ويا آهن.
ڳڻپ واري کاتي موجب ڪراچي، لاهور ۽ گوجرانوالا ۾ بصر جي في ڪلو قيمت 240 روپين تائين آهي، فيصل آباد، سرگوڌا، ملتان ۽ بهاولپور ۾ بصرن جي في ڪلو قيمت 220 روپيا آهي جڏهن ته حيدرآباد ۽ بنون ۾ بصر 200 روپيا في ڪلو وڪرو ٿي رهيو آهي.
ڳڻتي واري کاتي موجب گذريل هفتي بصرن جي وڌ کان وڌ في ڪلو قيمت 260 روپين تائين هئي.
