پيانگ يانگ (ويب ڊيسڪ) اتر ڪوريا سمنڊ اندر جوهري هٿيارن جي سسٽم جي ٽيسٽ ڪرڻ جي دعويٰ ڪئي آهي.
اتار ڪوريا جي سرڪاري ميڊيا موجب آمريڪا، ڏکڻ ڪوريا ۽ جپان جي فوجي مشقن جي جواب ۾ پاڻي ۾ جوهري هٿيار کڻي وڃڻ جي صلاحيت رکندڙ ڊرون جي ٽيسٽ ڪئي آهي جنهن کي هيئل 5-23 جو نالو ڏنو ويو آهي.
رپورٽ موجب اتر ڪوريا ان کان اڳ به ان قسم جي ٽيسٽ ڪئي هئي پر تازي تجربي سان خطي ۾ ڇڪتاڻ وڌيڪ وڌندي.
اتر ڪوريا چوندو رهيو آهي ته هو خطي ۾ ڪنهن به وقت شروع ٿيندڙ امڪاني جنگ جي تياري جي سلسلي ۾ پنهنجي فوجي صلاحيت وڌائي رهيو آهي.
اتر ڪوريا جي اڳواڻ ڪِم جونگ اُن ڪجهه ڏينهن اڳ بيان ۾ چيو هو ته اتر ۽ ڏکڻ ڪوريا جي ٻيهر گڏجڻ جو معاملو هاڻي ختم ٿي چڪو آهي ۽ ڏکڻ ڪوريا اسان جو سڀ کان وڏو دشمن آهي.
واضح رهي ته گذريل سال سيپٽمبر ۾ به جوهري هٿيار کڻي وڃڻ جي صلاحيت رکندڙ پهرين آبدوز جي مهورت جو اعلان ڪيو هو.
