آڪلينڊ ( ويب ڊيسڪ ) پاڪستان ٽيم جي اڳوڻي ڪپتان بابر اعظم ٽي ٽوئنٽي انٽرنيشنل ۾ سڀ کان وڌيڪ رنسون ٺاهيندڙ ٽيون بيٽر بڻجي ويو آهي.
بابر اعظم نيوزيلينڊ خلاف پهرين ٽي ٽوئنٽي ميچ ۾ 35 بالن تي ڇهن چوڪن ۽ ٻن ڇڪن جي مدد سان 57 رنسن جي اننگز کيڏي.
بابر اعظم پاڪستان جي نمائندگي ڪندي 105 ٽي ٽوئنٽي انٽرنيشنل مقابلن ۾ 42.12 جي ايوريج سان ٽي هزار پنج سئو اٺٽيهه رنسون ٺاهيون آهن.
فهرست ۾ ويرات ڪوهلي 115 مئچن ۾ 52 ڏهائي 74 جي ايوريج سان چار هزار 8 رنسون ٺاهي پهرين جڏهن ته سندس هم وطن روهت شرما 148 ميچن ۾ 31 ڏهائي 33 جي ايوريج سان ٽي هزار 553 رنسون ٺاهي ٻئي نمبر تي موجود آهي.
ان فهرست ۾ نائب ڪپتان محمد رضوان جو نائون نمبر آحي هو 86 ميچن ۾ 48 ڏهائي 66 جي ايوريج سان ٻه هزار 822 رنسون ٺاهي چڪو آهي.