ڀارتي ڪرڪيٽ ٽيم جو اڳوڻو ڪپتان مهيندرا سنگهه ڌوني پاڪستاني کاڌن جو ديوانو نڪتو.
ڌوني جي هڪ وڊيو سوشل ميڊيا تي وائرل آهي، جنهن ۾ هو بهترين کاڌن جي شوقين شخص کي پاڪستان وڃڻ جي صلاح ڏئي رهيو آهي.
وڊيو ۾ ايم ايس ڌوني کي خوشگوار موڊ ۾ مختلف سوالن جا جواب ڏيندي ڏسي سگهجي ٿو.
هڪ سوال جي جواب ۾ ڌوني چئي ٿو ته ”توهان کي کاڌن لاءِ هڪ ڀيرو پاڪستان ضرور وڃڻ گهرجي“.
واضح رهي ته ايم ايس ڌوني پاڪستان ۽ ڀارت وچ ۾ 2006 ۾ کيڏيل ٽيسٽ ۽ ون ڊي سيريز دوران پاڪستان آيو هو، جڏهن ته هو 2008 ۾ ايشيا ڪپ لاءِ به پاڪستان آيو هو.
