قدرت تقريبن هر موسمي ميوي ۽ ڀاڄي ۾ ضروري غذائي جُز لڪائي رکيا آهن. اهي غذائي جُز انساني صحتلاءِ اهم هوندا آهن.
سياري جي موسم ۾ گوگڙو مشهور ڀاڄي آهي جيڪا سڀني کي پسند هجي ٿي. قدرتي نه رڳو گوگڙوپر ان جي پنن ۾ به غذائيت رکي آهي.
سياري ۾ گوگڙو جو استعمال انساني جسم کي هي فائدا پهچائي ٿو.
اينٽي ڪينسر خاصيتون
گوگڙو وٽامن سي ۽ گلوڪوسينوليٽ سان ڀرپور هوندا آهن. اهي ٻئي جُز انساني جسم ۾ ڪينسر جي خلين جي واڌ ويجهه کي روڪڻ ۾ مدد ڪندا آهن.
بلڊ شگر ڪنٽرول
پنهنجي خوراڪ ۾ گوگڙو شامل ڪرڻ سان رت ۾ شگر جي سطح کي گھٽ ڪرڻ ۽ انسولين جي پيداوار ۾ اضافو ڪرڻ ۾ مدد ملندي آهي.
جيري جي صحت
گوگڙو ۾ موجود انٿوڪائنين ۽ سلفر مرڪب جيري جي زهريلن مادن کي گھٽائڻ ۾ مددگار ثابت ٿيندا آهن.
وزن ۾ گھٽتائي
جيتوڻيڪ گوگڙو ۾ ڪيلوريز ۽ گلائسيمڪ انڊيڪس گھٽ هوندا آهن تنهنڪري انهن پنهنجي خوراڪ جو حصو بڻائڻ وزن کي برقرار رکڻ ۽ گھٽ ڪرڻ ۾ مدد ڪري سگھي ٿو.
هڏن جي صحت
گوگڙو ۾ موجود وٽامن هڏن لاءِ اهم آهي. گوگڙ کائڻ سان هڏن جي صحت تي هاڪاري اثر پون ٿا.
آئرن جذب ڪرڻ ۾ مدد ڪن ٿا
آئرن انساني صحت لاءِ غذا جو اهم حصو آهي ۽ باقاعدگي سان گوگڙن جو استعمال جسم ۾ آئرن جذب ڪرڻ جي صلاحيت کي بهتر بڻائڻ ۾ مدد ڪندو آهي.
