رياض (ويب ڊيسڪ) چانهه پنهنجي موجودگيءَ جو احساس ڏيارڻ لاءِ سعودين جي ڊائننگ ٽيبلن تي حاوي ٿي وئي آهي. 100 کان وڌيڪ سال اڳ ملڪ ۾ چانهه پيئڻ شروع ٿيو ۽ اڄ تائين چانهه وڏي پئماني تي واپرائي وڃي ٿي.
سعودي عرب ۾ چانهه پسند ڪئي ويندي آهي، پر مديني جي چانهه جو پنهنجو منفرد ۽ خاص ذائقو آهي.
مديني جو هڪ نوجوان علي حاجي مسجد قبا جي ڀرسان چانهه وڪرو ڪندو آهي.
هو چوي ٿو ته مدينه منوره جي چانهه بهترين قسم جي ڦودني ۽ شاندار گلاب جي خاص ميلاپ سبب مشهور آهي. ڦودني ۽ گلاب چونڊڻ وقت، انهن جي اعلي معيار تي غور ڪيو ويندو آهي.
مديني شريف جي چانهه جو خاص ذائقو آهي ۽ اها چانهه مختلف قسمن جي آهي.
هو چوي ٿو ته هيءَ چانهه شوقينن کي پسند ايندي آهي.
