حيدرآباد (ويب ڊيسڪ) سنڌ جي چوٿين وڏي شهر ميرپورخاص کي لوڊشيڊنگ فري قرار ڏنو ويو آهي.
حيسڪو چيف بشير احمد موجب ٻن مهينن کان جاري سيڪيورنگ حيسڪو ملازمن جي جدوجهد ۽ عوام جي سهڪار جو نتيجو آهي، جنهن سبب لائن لاسز گهٽجي رڳو 6 سيڪڙو رهجي ويا آهن، جن تي جلد ضابطو آندو ويندو.
هن چيو ته مستقبل ۾ شهر کي لوڊشيڊنگ کان بچائڻ لاءِ وڌيڪ ٽرانسفارمر لڳايا ويندا، ايمرجنسي جي صورت ۾ ٽرالي ٽرانسفارمر فراهم ڪيا ويندا، جڏهن ته واهپيدارن جي سهولت لاءِ ون ونڊو سينٽر قائم ڪيو ويو آهي.
