ڪراچي (ويب ڊيسڪ) ايم ڪيو ايم پاڪستان جي سينيئر ڊپٽي ڪنوينر ڊاڪٽر فاروق ستار چيو آهي ته ڪراچي ملڪ کي 4 هزار ارب رپين جو ٽيڪس ڏيندو آهي، جنهن سان سڄو پاڪستان هلندو آهي.
ڪراچي ۾ سني تحريڪ جي اڳواڻ ثروت اعجاز قادري سان ملاقات کانپوءِ صحافين سان ڳالهائيندي فاروق ستار چيو ته ملڪ ۾ مهانگائي حد کان وڌي وئي آهي، نوجوان اعليٰ ڊگريون رکڻ باوجود بائيڪ رائيڊر بڻيل آهن.
هن چيو ڪراچي هلندو آهي ته سڄو پاڪستان هلندو آهي، ڪراچي شهر ملڪ کي 4 هزار ارب رپين جو ٽيڪس ڏيندو آهي.
سندس چوڻ هو ته اسان هڪ وڏو اتحاد ۽ وڏي تحريڪ قائم ڪري رهيا آهيون، موروثي سياست ذريعي قبضو ڪندڙن جو خاتمو ڪنداسين، ڪراچي تي جن قبضو ڄمائڻ جي ڪوشش ڪئي، انهن کي ناڪام ڪرڻو آهي.
