لاهور ( ويب ڊيسڪ ) پي ايس ايل 9 لاءِ ملتان سلطانز افتخار احمد جون خدمتون حاصل ڪري ورتيون، سندس عيوض رائلي روسو گليڊي ايٽرز جي اسڪواڊ جو حصو بڻجي ويو.
فرنچائزز جي ٽريڊنگ جي نتيجي ۾ ملتان سلطانز افتخار احمد ۽ پهرين پلاٽينم پِڪ جڏهن ته ڪوئيتا گليڊي ايٽرز رائلي روسو ۽ سلور رائونڊ پِڪ جو حق حاصل ڪيو آهي.
Welcome back, Rilee Rossouw! @Rileerr rejoins the purple @teamquetta family
Drop a 💜 below if you're happy with this trade…#HBLPSLDraft #HBLPSL9 pic.twitter.com/TnKwzxy261
— PakistanSuperLeague (@thePSLt20) November 30, 2023
افتخار احمد جو چوڻ آهي ته سلطانز جو حصو بڻجڻ تي خوش آهيان، ملتان جي نمائندگي منهنجي لاءِ اعزاز آهي، هتان جي مداحن ۾ ڪرڪيٽ جو جنون آهي، هن چيو ته گذريل ٽن سيزنز دوران فرنچائز جي ڪارڪردگي به شاندار رهي آهي.
Iftikhar Ahmed becomes Sultan.
Read more: https://t.co/WMgePr4HBu#LetsPlaySaeen l #HBLPSL9
— Multan Sultans (@MultanSultans) November 30, 2023
ملتان سلطانز جي ڪپتان محمد رضوان بيٽر کي ويلڪم ڪندي چيو ته ٽيم ۾ افتخار احمد جي آجيان ڪيان ٿو، سندس مهارت ۽ تجربو ٽيم لاءِ ڪارائتو ثابت ٿيندو، سندس ميدان ۾ ڪارڪردگي ئي نه ڊريسنگ روم ۾ موجودگي به سٺو سنئوڻ هوندي.
هيڊ ڪوچ عبدالرحمان چيو ته پي ايس ايل جي وڏي ٽريڊز مان هڪ جي نتيجي ۾ افتخار احمد جون خدمتون حاصل ٿيون آهن، هو هڪ ميچ ونر آهي، اننگز جي ڪنهن به مرحلي ۾ ڪاميابي لاءِ مٿس يقين ڪري سگهجي ٿو.
