لاهور ( ويب ڊيسڪ ) اوپنر بيٽر احمد شهزاد چيو آهي ته هو ابوظهبي ٽي ٽين ليگ کيڏڻ بدران ڊوميسٽڪ ڪرڪيٽ کيڏڻ کي ترجيح ڏيندو.
سماجي رابطن جي ويب سائيٽ ايڪس تي جاري ڪيل بيان ۾ احمد شهزاد چيو ته پي سي بي ابوظهبي ۾ جاري ٽي ٽين ليگ کيڏڻ جي اجازت ڏني جنهن تي ٿورائتو آهيان پر مون ابوظهبي وڃڻ کان معذرت ڪري ورتي آهي.
I have respectfully refused a contract to play in the ongoing season of Abu Dhabi T10 League as I believe I have some unfinished business with my team Lahore Whites in National T20 Cup, and I want to carry on playing domestic cricket in Pakistan. I have always believed in putting… pic.twitter.com/d0h6AHyUdF
— Ahmad Shahzad 🇵🇰 (@iamAhmadshahzad) November 30, 2023
احمد شهزاد وڌيڪ لکيو ته سدائين پاڪستان کي اهميت ڏني آهي، قومي ٽيم ۾ جاءِ ٺاهڻ جي ڪوشش ڪندو رهندس .
هن چيو ته ڊوميسٽڪ ڪرڪيٽ ۾ پرفارم ڪري نوجوانن ڪرڪيٽرن لاءِ مثال بڻجڻ چاهيان ٿو، بنگال ٽائيگرز جو به ٿورائتو آهيان جن مون کي پرفارمنس جي بنياد تي سليڪٽ ڪيو.
ياد رهي ته احمد شهزاد پاڪستان ٽيم جي ون ڊي ۽ ٽيسٽ ۾ آخري ڀيرو 2017 ۾ نمائندگي ڪئي هئي جڏهن ته هن 2019ع ۾ پاڪستان لاءِ آخري ٽي ٽوئنٽي انٽرنيشنل ميچ کيڏي هئي.
