لاهور ( ويب ڊيسڪ ) پاڪستان ڪرڪيٽ ٽيم جي ڪپتان شاهين آفريدي قيادت ملڻ کانپوءِ پاڪستان ڪرڪيٽ بورڊ ۽ مداحن جا ٿورا مڃيا آهن.
سماجي رابطن جي ويب سائيٽ ايڪس تي جاري ڪيل بيان ۾ شاهين آفريديءَ لکيو ته ٽي ٽوئنٽي ٽيم جي قيادت منهنجي لاءِ فخر جو سبب آهي، تمام گهڻو پرجوش آهيان ۽ پاڪستان ڪرڪيٽ بورڊ ۽ مداحن جي اعتماد ۽ حمايت تي ٿورائتو آهيان.
I am honoured and thrilled to lead our national T20 cricket team. Thank you to the Pakistan cricket board and fans for their trust and support.
I’ll give my best to uphold the team spirit and bring glory to our nation on the cricket field.
Our success lies in unity, trust and…— Shaheen Shah Afridi (@iShaheenAfridi) November 16, 2023
هن چيو ته ٽيم اسپرٽ کي برقرار رکڻ ۽ قوم جو نالو روشن ڪرڻ جي پوري ڪوشش ڪندس، اسان جي ڪاميابي اتحاد، اعتماد ۽ اڻٿڪ محنت ۾ آهي.
شاهين پنهنجي ٽوئيٽ ۾ وڌيڪ لکيو ته اسان صرف هڪ ٽيم نه پر هڪ خاندان جيان آهيون، اسان سڀ گڏجي اڳتي وڌنداسين.
ياد رهي ته گذريل ڏينهن پاڪستان ڪرڪيٽ بورڊ شان مسعود کي ٽيسٽ ٽيم جو ڪپتان ۽ شاهين آفريدي کي ٽي ٽوئنٽي ٽيم جو ڪپتان مقرر ڪيو ويو هو.
و هو.
