توهان ڪڏهن سوچو آهي ته دنيا ۾ زندگيءَ لاءِ سڀ کان وڌيڪ قيمتي شيءِ ڪهڙي آهي؟ جيڪڏهن ناهي سوچو ته ڄاڻي وٺو، وقت زندگيءَ لاءِ سڀ کان وڌيڪ قيمتي آهي، زندگي ۾ وقت کان وڌيڪ ڪنهن به شيءِ جي اهميت نٿي ٿي سگهي، انسان جي زندگي لاءِ وقت جي سڀ کان وڏي ماپ هڪ سال جي هوندي آهي جڏهن ته ننڍي ۾ ننڍي ماپ هڪ سيڪنڊ جي چئي سگهجي ٿي جنهن جي اسان وٽ ڪا خاص اهيمت ناهي، اهڙو ڪو به ماڻهو نه هوندو جيڪو پنهنجي زندگي ۾ هر سيڪنڊ جو حساب رکندي هجي، پر ڇا توهان کي خبر آهي ته ڪائنات ۾ ان سيڪنڊ جي ڪيتري اهميت آهي ۽ رڳو هڪ سيڪنڊ ۾ ڇا ڇا ٿي وڃي ٿو؟
