انسان هڪ اهڙي مشين آهي جنهن جا سڀ جو سڀ پرزا هڪ جهڙو ڪم ڪندا آهن، تنهن هوندي به سڀ ڪنهن جو مزاج، فطرت ۽ انداز پنهنجو پنهنجو الڳ هوندو آهي، اخلاقي حوالي سان ڳالهه ڪجي ته ڪردار انسان جي سڃاڻپ هوندو آهي جڏهن ته ڪاميابي جي حساب سان ڏسجي ته دماغ، لڳاتار جدوجهد ۽ ڪٿي ڪٿي قسمت به انسان کي وڏين وڏين بلندين تائين پهچائي ٿي، ذهانت ۽ پنهنجي مخصوص هنر ۽ خاصيتن جي بنياد اهڙا لکين چهرا آهن جيڪي سڄي دنيا جي ماڻهن لاءِ سڃاڻپ رکن ٿا، سائنسي دنيا هجي توڙي رانديون، فلم انڊسٽريز، ڪاروباري ۽ سياسي پختگي وغيره ڪيترن ئي ماڻهن جي اهڙي سڃاڻپ جو سبب بڻجن ٿا جنهن جي ڪري اهي دنيا جي مشهور ترين شخصيتن ۾ شمار ٿين ٿا.
