ڪراچي (ويب ڊيسڪ) اڳوڻي صدر آصف علي زرداري ن ليگ قائد نواز شريف تي طنز ڪندي چيو آهي ته ڪجهه ماڻهو اقتدار لاءِ اتحادي ٺاهيندا آهن پر اسان لاءِ عوام ئي ڪافي آهي.
آصف زرداري ٿر ۾ ڪامياب جلسي تي جيالن کي ڀيٽا پيش ڪندي چيو ته بلاول ڀٽو جي شاندار آجيان ڪري ٿر جي عوام پنهنجو فيصلو ٻڌائي ڇڏيو، ٿر جي عوام پنهنجي ڀيڻ شهيد محترمه بينظير ڀٽو کي ناهي وساريو.
هن چيو ته ڪجهه ماڻهو اقتدار لاءِ اتحادي ٺاهيندا آهن پر اسان لاءِ عوام ئي ڪافي آهي، پ پ خلاف ماضي ۾ به اتحاد ٺهيا، پ پ کي اهڙن اتحادن جي ڪا پرواهه ناهي.
سندس چوڻ هو ته قائد عوام شهيد ذوالفقار علي ڀٽو جو فلسفو اسان لاءِ مشعل راهه آهي، عام چونڊن ۾ پ پ سمنڊ کان وٺي ڪي پي تائين ڪاميابي حاصل ڪندي.
