لاهور ( ويب ڊيسڪ ) پاڪستان ڪرڪيٽ بورڊ جي مئنيجمينٽ ڪميٽي جي سربراهه پاڪستان ڪرڪيٽ ٽيم جي سليڪشن ڪميٽيءَ کي برطرف ڪري ڇڏيو.
ذريعن موجب، برطرف ڪيل سليڪشن ڪميٽيءَ ۾ چيف سليڪٽر توصيف احمد، وجاهت الله واسطي ۽ وسيم حيدر شامل آهن.
ذريعن جو چوڻ آهي نئين سليڪشن ڪميٽي جو اعلان جلد ڪيو ويندو.
ذريعن موجب، پاڪستان جي اڳوڻن سينيئر ڪرڪيٽرن منجهان ئي نئون چيف سليڪٽر مقرر ٿيندو.
ذريعن جو چوڻ آهي ته نئين سليڪشن ڪميٽي آسٽريليا جي دوري لاءِ قومي ٽيسٽ اسڪواڊ سليڪٽ ڪندي.
ياد رهي ته پي سي بي مئنيجيمينٽ ڪميٽي ورلڊ ڪپ ۾ خراب ڪارڪردگي کانپوءِ انضمام الحق جي به استعيفيٰ منظور ڪئي هئي.
