ممبئي ( ويب ڊيسڪ ) مشهور بالي ووڊ اداڪارا اورشي روٽيلا جي بيٽنگ ڪندي وڊيو سوشل ميڊيا تي وائرل ٿي وئي.
اروشي روٽيلا پنهنجي انسٽاگرام اڪائونٽ تي پنهنجي نئين وڊيو پوسٽ ڪئي آهي جنهن ۾ هوءَ ڪرڪيٽ ڪِٽ پهري ميدان ۾ موجود آهي.
وڊيو ۾ اورشي سان گڏ ٻيا نوجوان ڪرڪيٽر پڻ موجود آهن، جڏهن ته بالي ووڊ اداڪارا وڪيٽ ڪيپر جا فرض انجام ڏئي رهي آهي.
اروشي روٽيلا جي انسٽاگرام فين پيج پڻ سندس هڪ وڊيو شيئر ڪئي جنهن ۾ اداڪارا بيٽنگ ڪندي نظر آئي.
View this post on Instagram
حقيقت ۾ اِها وڊيو اورشي روٽيلا جي نئين فلم جي سيٽ تي ٺاهي وئي آهي، فلم هوءَ هڪ عورت ڪرڪيٽر جو ڪردار ادا ڪري رهي آهي.
View this post on Instagram
اروشي روٽيلا فلم جو نالو ۽ رليز جي حوالي سان وڌيڪ تفصيل جاري ناهن ڪيا، پر مداح کيس ڪرڪيٽر جي ڪردار ۾ ڏسڻ لاءِ بي چين آهن.
واضح رهي ته ماضي ۾ اداڪارا پاڪستاني ٽيم جي فاسٽ بالر نسيم شاهه جي بيٽنگ ۽ پريڪٽس ڪندي ڪيئي انسٽا اسٽوريز شيئر ڪيون هيون جنهن کي سوشل ميڊيا تي تمام گهڻي موٽ ملي هئي.
ماضيءَ ۾ اروشي ۽ نسيم شاهه جي دوستيءَ بابت افواهون گردش ڪرڻ لڳيون هيون، پر نسيم شاهه افواهن جي ترديد ڪندي چيو هو ته هو ڀارتي اداڪارا کي نٿو سڃاڻي ۽ سندس سمورو ڌيان راند ۽ ڪيريئر تي آهي.
