اسلام آباد (ويب ڊيسڪ) غير قانوني پرڏيهين کي واپس وڃڻ جي ڊيڊ لائن کانپوءِ افغان شهرين کي پاڪستان مان واپس پنهنجي ڏيهه موڪلڻ جو سلسلو جاري آهي.
پاڪستان ۾ غير قانوني طور رهندڙ افغانين جي عزت سان ۽ محفوظ طريقي سان واپسي حڪومت جي پهرين ترجيح آهي ۽ روز جي بنيادن تي هزارن جي انگ ۾ غير رجسٽرڊ افغان شهرين کي طورخم ۽ چمن بارڊر ذريعي پنهنجي ملڪ موڪليو پيو وڃي.
6 نومبر تي 9 هزار 816 غير قانوني افغاني پنهنجي ملڪ ويا، جن ۾ 3 هزار 39 مرد، 2 هزار 425 عورتون ۽ 4 هزار 353 ٻار به شامل هئا.
انگن اکرن موجب هيل تائين ڪُل هڪ لک 98 هزار 554 غير قانوني طور رهندڙ افغاني واپس وڃي چڪا آهن.
