تهران (ويب ڊيسڪ) ايران جي سپريم ليڊر آيت الله خامنه اي مسلمان ملڪن کان مطالبو ڪيو آهي ته اهي اسرائيل کي تيل ۽ خوراڪ جون برآمدون روڪي ڇڏين.
پرڏيهي خابرو اداري موجب تهران ۾ شاگردن جي گروپ سان ڳالهائيندي آيت الله خامنه اي چيو ته غزا ۾ فوري طور تي بمباري روڪي وڃي ۽ صيهوني رياست کي تيل ۽ خوراڪ جون برآمدون به روڪڻ گھرجن.
هن چيو ته فلسطينين جي خلاف اسرائيل جي جنگي ڏوهن ۾ آمريڪا به شريڪ ڏوهاري آهي.
سندس چوڻ هو ته اسلامي دنيا کي هن وقت غزا مسئلو هرگز نه وسارڻ گھرجي جتي آمريڪا، برطانيا ۽ فرانس مظلومن جي خلاف بيٺل آهي.
آيت الله خامنه اي چيو ته فلسطين جي مزاحمت ڪندڙن کي دهشتگرد قرار ڏيڻ اولهه جو شرم جوڳو عمل آهي.
You might also like