ڪراچي (ويب ڊيسڪ) سنڌ هاءِ ڪورٽ ماڙي جلباڻي واقعي بابت ٻڌڻي ڪندي ڪيس جو مڪمل رڪارڊ، جاچ آفيسر، فريادي ۽ متاثرن کي طلب ڪري ورتو.
سنڌ هاءِ ڪورٽ جي جسٽس نعمت الله ڦلپوٽو ۽ جسٽس امجد علي سهتو تي ٻڌل ٻه رڪني بئنچ سڪرنڊ جي ڳوٺ ماڙي جلباڻي ۾ 4 ڄڻن جي قتل ۽ عورتن سميت 12 ڄڻن کي زخمي ڪرڻ واري ڪيس جي جڊيشل انڪوائري ۽ جوابدارن جي گرفتاري لاءِ درخواست تي ٻڌڻي ڪئي.
عدالت ڪيس جو مڪمل رڪارڊ، جاچ آفيسر، فريادي ۽ مقتولن جي وارثن کي طلب ڪري ورتو.
سنڌ هاءِ ڪورٽ پوليس کي ٻن هفتن ۾ اڳڀرائي رپورٽ پيش ڪرڻ جو حڪم ڏئي ڇڏيو، رينجرز ۽ سنڌ حڪومت کي جواب جمع ڪرائڻ لاءِ مهلت ڏني وئي.
