ڪراچي ( ويب ڊيسڪ ) ڪرڪيٽ ورلڊ ڪپ جي جادوءَ ڪرڪيٽ پرستارن کي پنهنجي سحر ۾ جڪڙي ڇڏيو آهي ۽ ماڻهو ميچن کي انجواءِ ڪري رهيا آهن.
ان ڏس ۾ پاڪستاني اداڪارا ۽ سوشل ميڊيا انفلوينسر سحر شنواري انوکو اعلان ڪري سڀني کي دنگ ڪري ڇڏيو آهي.
سماجي رابطن جي ويب سائيٽ ايڪس تي سحر شنواري لکيو ته انشاءَ الله منهنجا بنگالي بندو ايندڙ ميچ ۾ ڀارت کان پاڪستان جو پلاند وٺندا، جيڪڏهن بنگلاديشي ٽيم ڀارت کي هارائڻ ۾ ڪامياب ٿي وئي ته مان بنگالي ڇوڪري سان فِش ڊنر ڊيٽ لاءِ ڍاڪا وينديس.
InshAllah my Bangali Bandu will avenge us in the next match. I will go to dhaka and have a fish dinner date with Bangali boy if their team managed to beat India ✌️❤️ 🇧🇩
— Sehar Shinwari (@SeharShinwari) October 15, 2023
سحر خان هڪ ٻي پوسٽ ۾ لکيو ته صرف بنگلاديش جي ٽيم ئي ڀارت کي سبق سيکاري سگهي ٿي.
Only Bangladesh team can teach Indian team a good lesson ❤️✌️
🇧🇩❤️
— Sehar Shinwari (@SeharShinwari) October 18, 2023
واضح رهي ته سحر شنواري سوشل ميڊيا تي پنهنجي اداڪاري ۽ لِپسنگ وڊيوز سبب مشهور آهي جيڪي اڪثر ٽِڪ ٽاڪ ۽ انسٽاگرام تي شيئر ڪيا ويندا آهن، انسٽاگرام تي سندس 31 هزار فالوورز آهن.
ياد رهي ته ڀارت ورلڊ ڪپ پاڪستان کي هڪ طرفي مقابلي ۾ ست وڪيٽن سان هارائي ڇڏيو هو.
