ڪراچي (ويب ڊيسڪ) پيٽروليم شين جا اگهه گهٽجڻ کانپوءِ سنڌ جي ٽرانسپورٽ کاتي نيٺ ٽرانسپورٽرن کي ڀاڙا گهٽائڻ تي راضي ڪري ورتو.
سنڌ جي ٽرانسپورٽ کاتي جو ڀاڙن ۾ گهٽتائي بابت اجلاس ٿيو، جنهن ۾ ٽرانسپورٽر 10 سيڪڙو ڀاڙا گهٽائڻ تي راضي ٿي ويا.
ٽرانسپورٽ کاتي ڪراچي کان سڄي ملڪ ۾ هلندڙ بسن جي ڀاڙن ۾ 10 سيڪڙو گهٽتائي جو اعلان ڪيو آهي، جڏهن ته ڪراچي کان حيدرآباد ۽ ٻين شهرن ڏانهن هلندڙ وين جا ڀاڙا به گهٽجندا.
اجلاس ۾ طئي ٿيو ته ڀاڙا نه گهٽائيندڙن خلاف ڪارروائي ڪئي ويندي، هر روٽ تي ريجنل ۽ ڊسٽرڪٽ ٽرانسپورٽ آفيسر گاڏين کي چيڪ ڪندا.
ٽرانسپورٽ کاتي چيو آهي ته فيصلي تي عملدرآمد يقيني بڻايو ويندو، پيٽرول سستو ٿيڻ جو فائدو عوام تائين پهچايو ويندو.
