ڪراچي ( ويب ڊيسڪ) آءِ سي سي مينز ون ڊي ورلڊ ڪپ ۾ آسٽريليا خلاف ايندڙ اهم مقابلي کان اڳ پاڪستاني ٽيم ۾ ڦيرڦار جون خبرون سامهون آيون آهن.
نجي ٽي وي چئنل ذريعن جو حوالو ڏيندي ٻڌايو ته پاڪستان جا سمورا رانديگر صحتياب ٿي ويا آهن، شاهين آفريدي ۽ عبدالله شفيق جو پريڪٽس کان اڳ ٽمپريچر چيڪ ڪيو ويو، پاڪستان لاءِ سٺيون خبرون آهن.
ذريعن جو چوڻ آهي ته ان ڳالهه جو گهڻو امڪان آهي ته ايندڙ ميچ ۾ شاداب خان کي ڊراپ ڪري سگهجي ٿو ڇو ته سندس ڪارڪردگي سٺي ناهي.
ذريعن موجب، آسٽريليا خلاف اهم مقابلي ۾ شاداب خان جي جاءِ تي ليگ اسپنر اساما مير کي پليئنگ اليون ۾ شامل ڪرڻ جو امڪان آهي.